2016 yil iyun oyida Donbassda halok bo‘lganlar miqdori rekord darajaga chiqdi

BMTning gumanitar masalalarni muvofiqlashtirish boshqarmasining ma'lum qilishicha, Donbassdagi ziddiyatlarda 2016 yilning iyun oyida rekord darjada ko‘p odam halok bo‘lgan.

«Joriy yilning iyun oyida Ukraina sharqidagi qarama-qarshiliklar kuchayib ketdi. Bu tinch aholi vakillari orasida 2015 yil avgust oyiga qaraganda rekord darjada ko‘p qurbonlarni keltirib chiqardi», — deyiladi boshqarma hisobotida.

Ma'lum bo‘lishicha, otishmalar natijasida 12 kishi halok bo‘lgan, 57 nafari esa turli darjada jarohatlar olgan. Shuningdek, otishmalarda “turli artelleriya tizimlaridan, jumladan, Minsk shartnomasida taqiqlangan kalibrlardan foydalanilgan».

Hisobotda ma'lum qilinishicha, Ukraina sharqida boshlangan qarama-qarshiliklarda shu paytga qadar 9470 kishi halok bo‘lgan. Ular ichidan 2000 nafarga yaqini tinch aholi vakilidir. 21 880 kishi esa yaralangan.