«Zenit» bosh direktori Maksim Mitrofanov jurnalistlar bilan uchrashuvi vaqtida Xalkning «Shanxay SIPG» klubiga transfer qilinishi tafsilotlari haqida ma'lum qildi.

«Tasdiqlayman, bugun biz Xalkning transferi bo‘yicha jarayonni yakunladik. Kelishuv qiymati — 55,8 mln yevro. Shuningdek, Xalk yangi jamoasida muvaffaqiyatli ishtirok etish orqali yana 2 mln yevro bonus sifatida to‘lanishi mumkin. Transferdan tushgan sof foyda - 45 mln yevro. Unga 40 million yevro sarflagandi. 19 mln yevro uning homiylik shartnomalaridagi ishtiroki, merchandayzing orqali kelgandi. Xalk jamoada bo‘lgan vaqtda, o‘tgan 4 yil ichida biz UYeFAda 90 mln yevro daromad qildik.

Bu „Zenit“ va Rossiya futboli tarixidagi eng yirik transfer bo‘ldi. Menimcha endi bu ko‘rsatkich yangilangunicha uzoq yillar o‘tadi», — deya Mitrofanovning so‘zlarini keltiradi «R-Sport».

Manba: Tribuna.uz