Bugun Yevropa chempionatining barcha chorak finalchilari aniqlanadi. Nitstsada Angliya hamda Islandiya terma jamoalari 1/4 finalning eng oxrgi qatnashchisini aniqlab berishadi. O‘yin Toshkent vaqti bilan 23:55da, Nitstsa shahridagi «Alyants Rivera» o‘yingohida boshlanadi.

Angliya chempionatni «B» guruhida boshladi. Rossiya va Slovakiya bilan durang o‘ynagan inglizlar guruh g‘olibi bo‘lgan Uelsni esa mag‘lub etdi. Bu esa guruhda ikkinchi bo‘lish uchun yetarli bo‘ldi.

Islandiya esa sensatsion tarzda «F» guruhida ikkinchi o‘rinni qo‘lga kiritdi. Vulqonlar o‘lkasi jamoasi Portugaliya va Vengriyadan bir ochko olishdi. Oxirgi turda esa Avstriyani mag‘lub etib, Portugaliyani changlarida qoldirib ketishdi. Ko‘ramiz, chaqilmagan yong‘oq bo‘lib turgan islandlarga inglizlarning tishi o‘tarmikin?..

«Tribuna» Angliya — Islandiya uchrashuvidan matnli translyatsiya uyushtiradi.