Ispaniyada saylovchilar keyingi yarim yil ichida ikkinchi marta parlament saylovlarida ishtirok etishmoqda. Bugun Kongressga va Senatga deputatlarni saylash boshlandi.

2015 yilning 20 dekabrida o‘tkazilgan avvalgi saylovda saylangan deputatlar bosh vazir tomonidan tasdiqlanmagandi.

Kongressdagi o‘rinlar uchun 545 nomzod o‘rtasida kurash kechadi (dekabr oyidagi saylovda bu miqdor 605 edi). Senat uchun saylovlarda 582 nomzod ishtirok etmoqda (dekabrdagi ko‘rsatkich - 657).

Saylov mahalliy vaqt bilan soat 09:00da (Toshkent vaqti bilan soat 12:00) boshlangan. Saylov uchastkalari mahalliy vaqt bilan soat 20:00gacha ochiq bo‘ladi.

Ispaniyaliklar parlamentning quyi palatasi uchun 3500 deputat, yuqori palata uchun 208 nafar senatorni saylashlari kerak.

Ispaniyaning 36,5 million nafar fuqarosi saylash huquqiga ega. Ulardan 34,6 millionlik qismi mamlakat hududida istiqomat qiladi. 1,5 million atrofidagi kishi pochta orqali saylovda qatnashadi. 26 iyun kungi saylov vaqtida saylash huquqiga ega ispaniyaliklar soni dekabrdagidan ko‘ra 197 ming 245 nafarga oshgan.

Bu demokratik Ispaniya tarixidagi 13-saylov.