Italiyaning Lamborghini kompaniyasi Aventador superkarining maxsus namunasini ishlab chiqdi. U, Miura modelining ellik yilligiga bag‘ishlangan. Aventador Miura Homage Gudvuddagi "Tezlik" festivalida namoyish etiladi. 

Yangi mahsulotni, Italiya avtomobil markasini jilolash bilan shug‘ullanuvchi Ad Personam ishlab chiqqan. Superkarni Rosso Aranico, Verde Scandal va Blu Tahiti tuslarida buyurtma berish mumkin bo‘ladi.

Kupe modeli uchun, shuningdek, kumush va tillarangli disklar ham chiqariladi. Uning salonida qoratusli Nero Ade charmi yoki mallarangli Terra Familia charmi bilan tortilgan o‘rindiqlar o‘rnatilgan. 

Lamborghini Aventador Miura Homage 12 silindrli, 6,5-litr hajmga ega motor bilan jihozlangan. U, superkarni 700 ot kuchi bilan ta'minlay oladi. 

Dvigatel 7 bosqichli avtomatik uzatmalar qutisi bilan ishlaydi. Superkar 100 kilometr tezlikka 2,9 soniyada chiqa oladi. Uning eng yuqori tezligi soatiga 350 kmni tashkil etadi. 

Aytish joizki, Lamborghini Aventador Miura Homage 50 dona ishlab chiqariladi. Hozircha, uning narxi e'lon qilinmagan.