Qozog‘iston jurnalistlar uyushmasi ijodiy tanlov natijalariga ko‘ra, Facebook asoschisi Mark Tsukerbergni "Internet loyihasi" nominatsiyasida mukofotga loyiq deb topdi. Bu haqida "Interfaks" agentligi ma'lum qildi.
Tsukerberg "turli mamlakat internet foydalanuvchilarini bitta axborot maydonida birlashtirgan" Facebook ijtimoiy tarmog‘ini yaratgani uchun mukofot bilan taqdirlandi. Tadbirkorning o‘zi mukofot haqida xabar topgan yoki yo‘qligi ma'lum qilinmadi.
Bundan avval Qozog‘iston jurnalistlar uyushmasi tanlovida WikiLeaks sayti asoschisi Julian Assanj va Amerika maxsus xizmatining sobiq xodimi Edvard Snouden g‘olib bo‘lishgandi.
