Avstraliyaning Blekoll shaharchasi yagona sartaroshni internet orqali izlamoqda, deya xabar beradi Mashable.

Bu shaharcha Kvinslend shtati hududida joylashgan. Shu vaqtgacha shahar aholisi 100 km masofadagi qo‘shni shahardagi sartaroshxonaga qatnab kelmoqda. 

Blekoll meri Endryu Martin shaharda sartarosh yo‘qligini bilganiga ko‘p vaqt bo‘lmadi. Uning so‘zlariga ko‘ra, u ancha vaqt sartaroshga bormagan va shu bois Blekollda bunday kasb egasining yo‘qligini sezmagan. 

Shahar hokimi sartaroshni internet orqali qidirishga qaror qildi. Martin bolalarni sochini oldirish, ayollarni sochini turmaklash uchun, shu bilan birga uning o‘ziga ham vaqti-vaqti bilan sartarosh kerak bo‘lishini ta'kidladi. 

"Bu zarur xizmat, men sartaroshsiz qolganimizdan hayratdaman", - deydi mer. 

Martinning taklifi internet tarmog‘ida katta qiziqishga sabab bo‘ldi, ammo hozircha Blekkoliga sartarosh topilmadi.