21 iyun kuni Rossiyaning Ivanovo oblastida matematika bo‘yicha Yagona davlat imtihoni natijalari e'lon qilindi. Ammo, kamida bir ishtirokchi necha ball to‘plaganini aniqlashni xohlamayapti. Bu, 85-yoshli nafaqaxo‘r Yuriy Taykov bo‘lib, u ikkinchi marotaba YaDIni topshirgan. 

"Mening subektiv sezgimga ko‘ra, xato yozganman, bahoim uchta minusli 3. Ammo, 2006 yildagidek, ballni bilish uchun qo‘ng‘iroq qilib ham o‘tirmayman", - degan Taykov TASSga bergan intervyusida. 

Nafaqaxo‘rning aytishicha, u birinchi marotaba 2006 yilda nevarasiga dalda bo‘lish uchun YaDI topshirgan. 

"YaDIsi nima ekan, deb bilishga borgandim, keyin bir paytlar medal olganim yodimga tushib, bilimimni sinab ko‘rish xohishi paydo bo‘ldi", - deb izohlagan Taykov. 

Uning so‘zlariga ko‘ra, YaDI hozirgi ko‘rinishda talabga javob bermaydi. Chunki, mushkul trigonometrik masalalar qo‘shilganiga qaramay, belgilangan vaqt uzaytirilmagan, aksincha 4 soatligicha qolgan. 

Bundan tashqari, uning fikricha, imtihon stolida trigonometriyaga oid murakkab formulalar qo‘yilishi kerak. Axir, bolalar formula uchun imtihon vaqtidan sarflashi to‘g‘rimi?" - deb murojaat qilgan Ivanovoning eng qari abituriyenti.