19 iyun kuni dunyoning ko‘plab mamlakatlarida “Butunjahon bolalar futboli kuni” keng nishonlanadi. Shuningdek yurtimizda ham ushbu sana munosabati bilan bolalar va o‘smirlar o‘rtasida futbol bo‘yicha musobaqalar o‘tkazish an'anaga aylangan. Qoraqalpog‘iston Respublikasi Ellikqal'a tumanida ham  “Butunjahon bolalar futboli kuni” bayrami munosabati bilan mini futbol bo‘yicha musobaqalar tashkil qilindi.

Musobaqalar Bo‘ston shaxri va Sarabiy OFY da yangidan qurib foydalanishga topshirilgan suniy qoplamali futbol maydonlarida bo‘lib o‘tdi. Futbol musobaqalarida 20 dan ortiq mahallalar va umumta'lim maktablari yosh futbolchilaridan iborat jamoalar ishtirok etdi. Musobaqalar yakuniga ko‘ra tumandagi 16-son umumta'lim maktabi jamoasi 1-o‘rinni qo‘lga kiritdi. Ishtirokchi jamoalar tashkilotchilar tomonidan diplom va qimmatbaho sovg‘alar bilan taqdirlandi.

Oybek Otajanov