Oliy liganing 12-turida Toshkentning "Paxtakor" jamoasi "Mash'al"ni qabul qiladi.

"So‘g‘diyona" bilan uchrashuvdan keyinoq futbolchilar navbatdagi bellashuvga tayyorgarlikni boshlab yuborishdi. Mazkur o‘yinni Kamoliddin Tojiyev diskvalifikatsiya sababli o‘tkazib yuboradi. Muborakliklar safida bunday yo‘qotishlar mavjud emas.

Jamoalar chempionat doirasida 30 bor to‘qnash kelgan. 21 uchrashuvda "Paxtakor" g‘alaba qozongan. 4 bahsda "Mash'al" zafar quchgan bo‘lsa, 5 bellashuv durang bilan tugagan. Toshkentliklar jamoasi bu uchrashuvlarda 59 to‘p kiritib, 20 marta darvozasidan gol o‘tkazib yuborgan. Toshkentdagi 15 o‘yinda "sherlar" 13 g‘alaba, bittadan durang va mag‘lubiyat qayd etishgan. Qarshiliklar poytaxtda oxirgi marta 2007 yilda ochko olgan.

Uchrashuvni navoiylik Zokir Qodirov boshqarib boradi. Unga namanganlik Mo‘min Majidov va Rasul Fozilov yordam beradi.

Uchrashuv 16 iyun, payshanba kuni 19:20da "Paxtakor" stadionida boshlanadi.

Manba: tribuna.uz