Kiyevning "Dinamo" klubi darvozaboni Aleksandr Shovkovskiy klub bilan yangi shartnoma imzoladi. Bu haqda jamoa matbuot xizmati ma'lum qildi.   

"Klubimiz sardori jamoaga sodiq qolmoqda. Shovkovskiy keyingi mavsumda "Dinamo" safida o‘ynashni davom ettiradi", deyilmoqda xabarda.

Shovkovskiy "Dinamo"da deyarli butun faoliyati davomida o‘ynab keladi. Futbolchi 1993 yildan beri Ukraina chempionatida 418 ta uchrashuv o‘tkazib, ularda 254 ta to‘p o‘tkazib yuborgan. Darvozabon Ukraina chempionatida o‘tkazgan uchrashuvlar miqdori bo‘yicha rekordchi, Ukrainaning 13 karra chempioni hisoblanadi.  

Shovkovskiy Ukraina terma jamoasi uchun 92 ta o‘yin o‘tkazib, 76 ta gol o‘tkazib yuborgan.