Bu yil Samsung kompaniyasi ishlab chiqaradigan Galaxy Note qurilmalari muxlislarini bir necha quvonchli xabarlar kutmoqda. Birinchidan, yangi flagman smartpedi, aytishlariga qaraganda u Galaxy Note 7 deb nomlanadi. Kompaniya Galaxy Note 6 qurilmasidan xatlab o‘tishga qaror qildi. Ikkinchidan, bu yil faqat birgina Galaxy Note 7 chiqariladi, shu bois foydalanuvchilar o‘tgan yildagidek Galaxy S7 Edge Plus'ni kutmasliklari kerak. Bu xabarni anonim  manbadan kelgan yangi tasvir ham tasdiqlaydi, unda botiq displey va stilusli qurilma aks etgan. 

Ehtimol, Samsung S-Pen stilusining uchlari qayrilgan displey bilan uyg‘unlashuvi uchun yangi funksiyalarni e'lon qilar. Eslatib o‘tamiz, bunga qadar Galaxy liniyasidagi smartfonlar an'anaviy tarzda yassi ekranlar bilan ta'minlangan bo‘lardi. 

Samsung Galaxy Note 7 qurilmasi 2560x1440 pikselli 5,8 dyuymli Super AMOLED-displeyi, to‘rt yadroli Snapdragon 823 protsessori, 6 Gb operativ xotira va Galaxy S7 kabi f/1,7 diafragmali 12 megapikselli asosiy kameraga ega bo‘lishi kutilmoqda.