KXDR shu yilning fevral oyida Janubiy Koreyaning davlat muassasalariga ommaviy xakerlik hujumini amalga oshirgan. Buning natijasida 42 mingdan ortiq hujjatlar o‘g‘irlangan. Bu haqida Yonhap agentligi Koreya Respublikasi Milliy politsiya agentligi ma'lumotiga tayanib xabar berdi.

Mazkur kuchli kibernetik hujum natijasida F-15 qiruvchi samolyotlarining chizmalari ham o‘g‘irlanganligi ta'kidlanmoqda. 

So‘nggi yillarda Seul va Vashington KXDRni bir necha marotaba maqsadli kiberhujumlarda ayblashdi, Pxenyan esa bunga aloqadorligini butkul inkor qilmoqda.