2017 yilda Yangiyer shahridagi (Sirdaryo viloyati) «O‘zbekiston temir yo‘llari» AJ teplovoz deposi bazasida ekskvatorlar va gusenitsali texnikalarni ta'mirlash bo‘yicha zavod bunyod etiladi. Bu O‘zbekiston Prezidentining 3 iyundagi qarorida ko‘zda tutilgan.

Loyihaning yakuniy qiymati 29 mln AQSh dollarini tashkil etadi. Moliyalash manbasi — «O‘zbekiston temir yo‘llari»ning shaxsiy mablag‘lari.

Qarorda qayd etilishicha, ekskvatorlar va gusenitsali texnikalarni ta'mirlash hamda ular parkini qayta tiklash uchun zamonaviy ishlab chiqarish bazasini tashkil etish texnikalardan foydalanish samaradorligini oshiradi.