Shanxayning "Pudun" aeroportida pivo idishidan yasalgan qo‘lbola portlovchi qurilma portladi. Bu haqda Shanxay ma'muriyati matbuot xizmati "Veybo" mikroblogida ma'lum qildi.
"Bir erkak ryukzagidan pivo idishidan tayyorlangan portlovchi qurilmani olib, uni ro‘yxatdan o‘tish ustuni yaqiniga uloqtirdi. Portlashdan keyin erkak ryukzagidan pichoq olib, uni bo‘ynining orqa qismiga sanchdi", deyilmoqda xabarda.
Ayni vaqtda erkak og‘ir ahvolda shifoxonada qolmoqda. Portlash oqibatida 5 kishi, jumladan Filippin fuqarosi jarohat olgan. Aeroport odatdagi tartibda ishlamoqda. Politsiya voqeani tergov qilmoqda.
