Amerikalik qo‘shiqchi, The Voice shousi ishtirokchisi Kristina Grimmi shifoxonada hayotdan ko‘z yumdi. Bu haqda CNN telekanali xabar tarqatgan.

"Afsus bilan tasdiqlaymizki, Kristina Grimmi o‘qotar quroldan olingan jarohatlari tufayli vafot etdi", deya yozilgan hudud politsiyasining tvitterdagi sahifasida.

Orlandodagi (Florida, AQSh) konsertidan so‘ng 23 yoshli qo‘shiqchiga ikkita to‘pponcha bilan qurollangan noma'lum shaxs yaqinlashib kelgan va o‘q uzgan.

Bu vaqtda Grimmi va Before You Exit guruhi a'zolari konsertdan so‘ng muxlislarga dastxat berayotgan edi. Qotil qo‘shiqchini otgach, o‘zini o‘ldirgan.