Kinoyulduz va Kaliforniya shtatining sobiq gubernatori Arnold Shvartsenegger AQShning sobiq prezidenti Bill Klinton bilan birgalikda bokschi Muhammad Alining vidolashuv marosimida selfiga tushishdi. Ijtimoiy tamroq foydalanuvchilari motam marosimlarida bunday ishlarni qilish odobsizlik bo‘lishini bildirib, o‘z izohlarini qoldirishdi.

«Do‘stim Bill Klintonni ushbu marosimda ko‘rish men uchun juda yoqimli bo‘ldi. U Muhammad Ali bilan vidolashuv onlarida o‘zining ajoyib nutqi bilan qatnashdi», — deb yozgan Shvartsenegger.

Foydalanuvchilar dafn marosimida bu kabi o‘z-o‘zini reklama qilishni noo‘rin, deya izohlashgan.
«Dafn marosimi sizlarga quvnoqlik bahsh etgani ko‘rinib turibdi», — deyiladi surat ostidagi izohlardan birida.

So‘nggi bor dafn marosimida mashhurlarning selfiga tushishi 2013 yilda Nelson Mandelaning vidolashuv kechasida bo‘lib o‘tgan edi. O‘shanda Britaniya bosh vaziri Devid Kemeron, AQSh prezidenti Barak Obama va Daniya hukumati rahbari Xelle Torning-Shmitt birgalikda selfiga tushishgan edi.