Rossiya prezidenti Vladimir Putin ichki ishlar vazirligining bir qator yuqori lavozimdagi xodimlarini egallab turgan lavozimlaridan bo‘shatdi.

Tegishli farmon huquqiy axborot rasmiy portalida chop etildi.

O‘z lavozimidan quyidagi xodimlar ozod etildi:
politsiya general-mayori Igor Bojkov — Rossiya ichki ishlar vazirligining Moskva bo‘yicha bosh boshqarmasi Moskva metropolitenidagi ishchi ishlar boshqarmasi boshlig‘i; 
politsiya general-mayori Aleksandr Lebedev — IIVning davlat himoyasida bo‘lgan shaxslarning xavfsizligini ta'minlash boshqarmasi boshlig‘i; 
politsiya general-mayori Ivan Birnik — IIV maxsus vazifalarni bajaruvchi va aviatsiya bo‘linmalari faoliyatini ta'minlash boshqarmasi boshlig‘i;
politsiya general-mayori Igor Mitrofanov — IIVning Tomsk viloyati boshqarmasi boshlig‘i;
politsiya general-leytenanti Yuriy Tomchak — IIVning Omsk viloyati boshqarmasi boshlig‘i.

Putin shuningdek bir qator yangi tayinlashlarni amalga oshirdi. Politsiya general-mayori Sergey Bachurin IIVning Shimoliy Kavkaz federal okrugi bo‘yicha bosh boshqarmasi boshlig‘i, politsiya general-leytenanti Yevgeniy Martinov IIV bosh inspektori, politsiya polkovnigi Ivan Gorbunov IIV jinoyat qidiruv bosh boshqarmasi boshlig‘i o‘rinbosari etib tayinlandi.