Polsha Rossiya bilan munosabatlar taranglashgani munosabati bilan 35 kishidan iborat ko‘ngillilar qo‘shini yig‘ish qarori haqida e'lon qildi. Bu haqda Spiegel Online nashri Polsha Mudofaa vazirligi vakili Gjyegoj Kvasnyakka asoslanib xabar bergan.

Mudofaa maqsadidagi bunday bo‘linmalarni shakllantirish shu yilning sentabrida boshlanadi. Mamlakat bosh vaziri Antoni Macharevich bu armiyaga kim qo‘mondonlik qilishi ham aniq ekanini aytgan.

Deutsche Welle radiosi xabariga ko‘ra, bunday bo‘linmalar tarkibiga fuqarolar orasidan ko‘ngillilar tanlab olinib, harbiy tayyorgarlikdan o‘tkaziladi.

Ko‘ngilli harbiylarga har oyda 125 yevro miqdorida maosh tayin qilinadi.

Ukrainadagi siyosiy inqiroz boshlangach, Polshada ko‘plab kishilar mustaqil mudofaa otryadlariga yozilishni boshlagan. Hozirgi kunda bunday bo‘linmalar tarkibida 12 mingga yaqin ko‘ngilli bor.

Bundan oldinroq, Polsha NATOdan yordam olishi haqida ma'lum bo‘lgandi. Alyans batalonlaridan biri mamlakat hududiga joylashtiradi, yana 3ta batalon Boltiq bo‘yidagi Estoniya, Latviya va Litvada joylashadi.

Bu batalonlardagi askarlarning umumiy soni 4 ming askardan iborat bo‘ladi.

Bu boradagi ishlar NATOning Varshavada 8-9 iyul kunlari o‘tkaziladigan sammitida ko‘rib chiqiladi.

7-17 iyun kunlarida ko‘ngillilar otryadi ilk marta NATOning Polsha hududidagi harbiy manyovrlarida ishtirok etadi.