AQShning Kolorado shtatida mamlakat harbiy-havo kuchlari tarkibiga kiruvchi pilotaj guruhining Thunderbirds ("Bo‘ronqushlar") samolyoti falokatga uchradi.

KKTV telekanali ma'lumotlariga ko‘ra, samolyot uchuvchisi katapulta qilib, yerga parashyutda tushgan. U jarohat olmagan. Kolorado-Springs yaqinida sodir bo‘lgan falokat joyidan olingan suratlarda samolyot o‘tloqda jiddiy shikastlarsiz yotganini ko‘rish mumkin.

AQSh HHK Akademiyasining dastlabki ma'lumotlariga ko‘ra, falokatga samolyot dvigatelining ishlamay qolgani sabab bo‘lgan bo‘lishi mumkin, deb yozmoqda The Gazette- Colorado Springs nashri.

Samolyot akademiya bitiruvchilari sharafiga namoyish parvozida ishtirok etgan. Tadbirda, shuningdek, AQSh prezidenti Barak Obama ham bo‘lgan.