Ukrainaning AQShdagi elchisi Valeriy Chaliy mamlakat bosh vaziri Vladimir Groysmanning Amerika qo‘shma shtatlariga ish yuzasidan tashrif buyurishni rejalashtirayotganini ma'lum qildi. Bu haqida "Interfaks" xabar berdi.
"Biz shu iyun oyining o‘rtasida bosh vazir boshchiligidagi delegatsiyaning AQShga tashrifini kutmoqdamiz", - dedi elchi.
Chaliyning aniqlik kiritishicha, bosh vazir AQShga tashrif buyurishga faqat ma'lum bir o‘zgarishlardan keyin rozi bo‘lgan.
Bundan avval Valeriy Chaliy AQSh prezidenti Barak Obama uchuvchi Nadejda Savchenkoning Ukrainaga qaytarilishida juda muhim o‘rin tutganini xabar qilgan edi. 25 may kuni ukrainalik uchuvchi Nadejda Savchenko vataniga qaytarilgan.
