«Yuventus» yarim himoyachisi Pol Pogba Barselona shahrida uy sotib oldi. Bu haqda Football Italia xabar tarqatdi.

Bu esa futbolchining «ko‘k-anorranglilar» safiga qo‘shilishi mumkinligi haqidagi navbatdagi gap-so‘zlarni keltirib chiqardi.

Proto Group Ltd mulk agentligini ishontirib aytishicha, mazkur xarid futbol bilan bog‘liq emas.

«Pogbaning Barselonada uy sotib olishi uning futbol faoliyati bilan bog‘liq emas. Bu faqat invekstitsion masala.

Bu haqda ochiq-oydin ta'kidlashimiz kerak. Mijozimiz mashhur futbolchi hisoblanadi. Ushbu xarid OAVda turli mish-mishlarni keltirib chiqarishi kerak emas.

Biz turli gap-so‘zlarning ko‘payishini istamaymiz. Bundan bir necha hafta ilgari Lionel Messi bizning agentlik orqali Parijdan uy sotib oldi. Avvalroq Krishtianu Ronaldu Nyu-Yorkda apartament xarid qilgandi», - deya bayonot berdi bu xarid amalga oshirilishi bilan shug‘ullangan Proto Group Ltd mulk agentligi direktori.