«Arsenal»ning o‘ng qanot himoyachisi Ektor Belerin «Barselona» jamoasining yozgi transferlardagi asosiy maqsadlaridan biri bo‘lib turibdi.

Kataloniyaliklar klubi ushbu 21 yoshli futbolchini Daniel Alvesning munosib o‘rinbosari sifatida ko‘rmoqda. Alves yozda «Yuventus» safiga borib qo‘shilishi kutilmoqda.

Sport.es nashri ma'lumotiga ko‘ra, «Arsenal» Belerin uchun taklif yuborgan «Barselona»ga futbolchining transfer bahosi kamida 40 million yevroni tashkil etishi haqida javob qaytargan.

Joriy mavsumda APLning 36ta turidagi o‘yinlarda ishtirok etgan yosh futbolchi 1 gol urgan va 5ta golli uzatma muallifi bo‘lgan. U mavsumning ramziy terma jamoasiga ham kiritildi. Qayd etish kerakki, Belerin kataloniyaliklar jamoasi maktabi tarbiyalanuvchisi hisoblanadi.