«Real» jamoasi hujumchisi Krishtianu Ronaldu yaqin vaqt ichida «Manchester Yunayted» jamoasiga bosh murabbiy etib tayinlanishi kutilayotgan Joze Mourino bu jamoani APL turnir jadvalining yuqori qismiga qaytarishiga umid qilishini bildirib o‘tdi.

«Mourino „Yunayted“ga tayinladimi? O‘ylaymanki, bu to‘g‘ri qaror. Umid qilamanki, “mankunianlar” so‘nggi yillarda yo‘qotgan mavqelarini tiklaydi va yuqori cho‘qqilarga chiqadi. Menga "MYu"ni bu ahvolda ko‘rish og‘ir, axir men bu jamoani yuragimning bir chetiga yashirganman. Mourino “qizil iblislar”ni yuqori o‘rinlarga qaytarishini hoxlayman», — dedi Jugones telekanaliga bergan intervyusida.