Ekvadorda Banco del Austro bankidan o‘tgan yili kiberhujum natijasida 9 million dollar o‘marilgani yuzasidan jinoiy ish qo‘zg‘atildi. Bu haqda The Wall Street Journal xabar qildi. 

Ma'lum bo‘lishicha, jinoyat sxemasi jinoyatchilar taxminan bir yil avval Bangladesh markaziy bankiga hujumda foydalangan sxemaga o‘xshash. O‘shanda xakerlar 81 million dollar o‘g‘irlashga muvaffaq bo‘lgan. U va bu hujumlar o‘rtasida bog‘liqlik bor-yo‘qligi ma'lum emas. 

Taxminlarga ko‘ra, yomon niyatli xakerlar bank kompyuterlaridagi SWIFT bank hisoblari xalqaro tizimini qo‘llovchi fayllarni o‘qiy oladigan dasturdan foydalanishga va ularning identifikatsion kodlarini o‘g‘irlashga erishgan.