Toshkent markazida joylashgan "Shedevr" savdo markazi takroran ishga tushadi. Bu haqda savdo markazining Facebook’dagi rasmiy sahifasida ma'lum qilingan.

"Yaqin kunlarda Shedevr savdo markazi ishga tushadi. So‘nggi yangiliklardan boxabar bo‘lish uchun bizni kuzatib boring", – deyiladi xabarda.

Savdo markazi ochilishining aniq sanasi aytilmagan.

Shedevr savdo markazi Navoiy ko‘chasida 2011 yilning dekabrida ochilgandi. Qisqa vaqt ichida shahar aholisi o‘rtasida tanilib ketgan savdo markazi ichki muammolari tufayli 2013 yilning boshida vaqtinchalik yopilgandi.