"Vilyarreal" klubi yarimhimoyachisi Denis Suares keyingi mavsumdan "Barselona" safida to‘p suradi, deb xabar bermoqda Sport internet-nashri.

Nashr ma'lumotlariga ko‘ra, ikki klub bu masala bo‘yicha kelishuvga erishdilar va Suares katalon klubi tarkibiga 25 mayda "Barselona" va "Sevilya" o‘rtasidagi Ispaniya kubogi finalidan keyin kelib qo‘shiladi.

Klublar o‘rtasidagi kelishuvga ko‘ra, "Vilyarreal" agar "Barsa" Suaresni uchinchi bir klubga yaqin ikki mavsum ichida sotadigan bo‘lsa, bundan olingan puldan ma'lum foizini oladi. "Vilyarreal" birinchi mavsumda summaning 75 foizini, ikkinchi yilda 25 foizini oladi. "Barselona" Suaresni sotib olish uchun esa 3 mln 250 ming yevro to‘laydi.

Suares Ispaniya chempionatining joriy mavsumida 32 ta o‘yinda to‘p surib, 4 ta gol urgan va 4 ta golli uzatma amalga oshirgan.