Londonning «Arsenal» klubi vingeri Teo Uolkott tez orada poytaxtning boshqa bir jamoasi «Vest Hem» safiga borib qo‘shiladi, deya xabar beradi The Sun. 

Xabarda qayd qilinishicha, Londonning yana bir jamoasi «Chelsi» tomonidan bildirilgan taklifni rad qilgan va o‘yin amaliyoti kafolatlangan «bolg‘aurarlar» safiga borib qo‘shilishni istamoqda. 

Oldinroq, «Arsenal»ning «Lester» yarimhimoyachisi Riyoz Mahrezni sotib olish uchun 30 mln yevro sarflashga tayyorligi, bu mablag‘ni «kanonirlar» Teo Uolkottni sotish orqali qoplash niyatida ekani xabar qilingandi.

Shu vaqtning o‘zida «Vest Hem» prezidenti Devid Sallivan klub nomini aytmagan hujumchi uchun 30 mln yevro taklif qilinganini ma'lum qilgandi.