"Barselona" jamoasining argentinalik hujumchisi Lionel Messi 2016 yilgi Yozgi Olimpiadada ishtirok eta olmasligidan afsusdaligini bildirgan. Bu haqda u ESPN muxbiri bilan suhbatda aytib o‘tgan.

Bundan oldinroq, ushbu 28 yoshli futbolchi yozda bo‘lib o‘tadigan 2ta xalqaro turnirdan faqat bittasida ishtirok etishi, 3 iyundan 26 iyungacha AQSh maydonlarida o‘tkaziladigan 2016 yilgi Amerika Kubogi o‘yinlariga borishi, lekin 5-21 avgust kunlari davomida Braziliyaning Rio-de-Janeyro shahrida bo‘lib o‘tadigan olimpiadaga bormasligi ma'lum qilingandi.

"Albatta men terma jamoa bilan Olimpiadaga borishni istayman, axir 2008 yilda Pekindagi olimpiadadagi ishtirokim orqali xuddi 2005 yilgi yoshlar o‘rtasidagi jahon chempionatida bo‘lgani kabi katta tajriba olgandim. Faqat bugina emas, biz o‘shanda g‘olib chiqqandik va ilk bor tanilgandik", - deydi Messi.