28 aprel kuni Turkiya artilleriyasidan Suriyadagi IShID jangarilari pozitsiyalari bo‘ylab o‘t ochilgan. Haberler portali xabarida ma'lum qilinishicha, Jarablus shahri yaqinidagi hududga berilgan zarbalar tufayli 11 nafar jangari o‘ldirilgan.
Artilleriya zarbalari Turkiyaning Gaziantep viloyati hududidagi Karkamish uyezdidan turib yo‘llangan. Bundan oldinroq, bu hududga Jarbalusdagi jangarilar tomonidan minomyot zarbalari yo‘llangandi. Snaryadlardan biri Turkiya qurolli kuchlariga tegishli o‘ziyurar gaubitsaga kelib tekkan. Shundan so‘ng, dron orqali razvedka ishlari amalga oshirilib, aniqlangan hududga javob hujumi uyushtirilgan.
Snaryadlar kelib tushishi natijasida Turkiya hududida jabrlanganlar borligi haqida ma'lumot yo‘q.
