Belgiyalik olimlar limonen qo‘shimachasi yordamida ta'mi va tuzilishi bo‘yicha odatiy shokoladdan qolishmaydigan “yog‘sizlantirilgan” shokolad olish mumkinligini aniqlashdi. Tadqiqot Journal of Agricultural and Food Chemistry jurnalida chop etilgan.

Shokoladning foydali jihatlariga qaramasdan unda yog‘lar miqdori ko‘p. Oddiy yuz grammli shokolad (45-59 foiz kakao) tarkibida 30 gramm yog‘ bo‘lishi mumkin. Shokolad bu qadar yog‘li bo‘lmasligi uchun kakao-yog‘lar miqdori kamaytiriladi. Buning oqibatida maydalangan kakao, shakar va kakao-yog‘lardan tarkib topgan shokolad massasi yopishqoq bo‘lib qoladi va qotishi qiyinlashadi.

Avvalgi tadqiqotlar shuni ko‘rsatadiki, sitrus mevalar efir moylarida topilgan limonenning qo‘shilishi shokolad massasining yopishqoqligini kamaytiradi va shokolad tarkibiga ham ta'sir etadi.

Belgiyaning Levenskiy katolik universiteti olimlari limonen qo‘shilgan holatda kakao-moyning qotish – kristallizatsiya jarayonini o‘rganishdi. Ma'lum bo‘lishicha, 17 S darajada limonen moyning kristalizatsiyasini va uning shokoladning nozik ta'mini ta'minlovchi “beta” tuzilmasiga o‘tishini tezlashtiradi.