«O‘zbekneftgaz» milliy xoldingi Muborak gazni qayta ishlash zavodida gazni serovodoroddan tozalovchi yangi uch blok qurishni to‘xtatishni rejalashtirgan. Bu haqda Sputnik agentligi muxbiri kompaniya vakiliga asoslangan holda xabar bergan.

Bu nafaqat 1981 yilda o‘rnatilgan gaz tozalash uskunalarini yangilash, balki chiqarilayotgan gazdagi serovodorod hajmini 1,5 baravarga qisqartirib uning sifatini eksport standartigacha yetkizish imkonini beradi. Yangi bloklarda Rossiyaning «Peton» kompaniyasi uskunalari o‘rnatiladi.

«Loyihaning umumiy narxi 264 mln dollardan oshadi, undan 212 mln dollari «O‘zbekneftgaz»ning xususiy mulki, qolgan 51 millioni esa respublika Taraqqiyot fondi tomonidan ajratilgan. Yangi bloklarni ishga tushirish yiliga 6 milliard kubometrgacha gaz tozalash imkonini beradi. Ular ishga tushgach, ularning yilgi umumiy ishlab chiqarish qiymati 414 million dollarni tashkil qiladi», — dedi kompaniya vakili.

Bugungi kunga kelib kompaniya absorber, separator, trubalar, fitinglar, o‘lchov aspoblari, avtomatlar, berkitish va boshqarish moslamalari, texnik jarayonni avtomatik boshqarish tizimlari yetkizib berish bo‘yicha shartnoma tuzdi.

Suhbatdoshning so‘zlariga qaraganda, uskunalar yetkazib beruvchi sifatida Rossiya kompaniyasi tanlanishi tasodifiy emas. Ushbu kompaniyadan oldin sotib olingan uskunalari o‘zining samaraligi va ishonchliligini ko‘rsatgani aytilgan.

Undan tashqari, uskunalarni yangilash jarayonida O‘zbekiston mashinasozlik sanoati ham faol ishtirok etadi. «O‘zbekximmash» allaqachon qiymati 115 milliard so‘m bo‘lgan kerakli texnologik uskunalarni ishlab chiqarishni boshladi.

Muborak gazni qayt ishlash zavodining birinchi navbati 1972 yilda ishga tushirilgan edi. O‘zbekistonda gazni qayta ishlash aynan shu sanadan boshlanadi. Majmua yiliga 30 mlrd kubometr gazni qayta ishlashga mo‘ljallangan bo‘lib, dunyoda eng katta gazni qayta ishlash zavodlaridan biri hisoblanadi.