«Atletiko» jamoasi bosh murabbiyi Diyego Simeone YeChLning yarimfinalida «Bavariya»ga qarshi kechgan va 1:0 hisobidagi g‘alaba bilan yakunlangan o‘yindan keyingi taassurotlari bilan o‘rtoqlashdi.

«Birinchi bo‘limni o‘zimiz rejalashtirganimizdek o‘tkazdik. Ikkinchi bo‘limdan raqib juda katta ustunlikka ega bo‘ldi ammo biz himoyada ishonchli harakat qildik.

Hamisha gol urishni istaysan, ammo gol qulay vaziyat yuzaga kelganda uriladi. Saulning goli– katta mahoratdan darak, uning o‘yini kundan-kunga rivojlanmoqda, bu esa ajoyib.

O‘ylaymanki, qarama-qarshilik taqdiri ochiqligicha qolmoqda. Javob o‘yinida mezbon muxlislar «Bavariya»ni qo‘llab-quvvatlab turishadi, ammo safar o‘yinida ham gol urish uchun imkoniyatlarimiz bo‘ladi.

Bugun bo‘lgani kabi ikkinchi o‘yinda ham teng kurashlar guvohiga aylanmiz. Kim o‘z vaziyatlaridan foydalana olarkan ko‘ramiz», – deydi Simeone.

«Bavariya» – «Atletiko» javob uchrashuvi 3 may kuni Myunxendagi «Alyants Arena» stadionida bo‘lib o‘tadi.