Warner Bros. va Miral Asset Management kompaniyalari Abu-Dabi (BAA)da 1 milliard dollar qiymatidagi mavzuli bog‘ yaratishni rejalashtirdi. Yas orolidagi ko‘ngilochar majmuada Betmen, Supermen, Mo‘'jizaviy ayol, Skubi-du va kinostudiyaning boshqa ko‘plab mashhur qahramonlariga bag‘ishlangan attraksionlar quriladi. Bu haqida Variety nashri xabar beradi.
Istirohat bog‘ining ochilish marosimi 2018 yilga mo‘ljallangan. Uning hududida mehmonxona, shuningdek, Betmen va Supermenning tug‘ilgan shahri — Gotem hamda Metropolis ham qad rostlaydi.
Yas orolida shu kungacha “Formula-1” maydoni, Ferrari mavzuli bog‘i va akvapark mavjud bo‘lib, Warner va Miral qayd etishicha, ularning Warner Bros. World Abu Dhabi majmuasi 2015 yilda orolga tashrif buyurgan 25 milliondan ortiq mehmonlar sonini 2018 yilda 30 millionga oshirishga muvaffaq bo‘ladi.
