Chexiya poytaxti Pragada politsiyachi ommaviy yo‘l-transport hodisasi uyushtirdi.
Politsiya podpolkovnigi Karel Kadlets ataylab 50 dan ko‘proq avtomobilni pachoqlab ketdi. Kadletsning aytishicha, hammasiga uning sobiq rafiqasi aybdor: huquq-tartibot muassasalari xodimi rafiqasi bilan ajrashgandan achchiqlanib, shu tariqa hovuridan tushgan.
Ekspertizaning aniqlashicha, politsiyachi voqeani sodir etgan vaqtda mast holatda bo‘lgan. Bu voqeadan keyin u politsiyadan bo‘shatildi. Kadlets, shuningdek, avtomobil egalariga yetkazilgan zararni ham qoplab beradi.
