O‘zbekiston prezidenti Islom Karimov 2016 yil 12 aprelda "Meva va sabzavot mahsulotlari, kartoshka va poliz ekinlarini sotish va foydalanish tizimini takomillashtirish bo‘yicha chora-tadbirlar haqida" farmonini imzoladi.
"Meva va sabzavot mahsulotlari, kartoshka, poliz ekinlari va uzumni qayta ishlovchi xususiy korxonalar, idoraviy mansubliklaridan qat'i nazar, 2019 yilning 1 yanvarigacha zamonaviy uskuna va texnologiyalarni olib kirishda soliq to‘lovlaridan ozod etildi", - deyiladi farmonda.
"O‘zbekoziqovqatxolding" XK tarkibiga kiruvchi qayta ishlovchi korxonalar 2019 yilning 1 yanvariga qadar daromad solig‘i, yuridik shaxslar mulki solig‘i, davlat maqsadli fondlariga majburiy ajratmalar, mikrofirma hamda kichik korxonalar uchun yagona soliq to‘lovini to‘lashdan ozod etildi.
