Dortmundning "Borussiya" jamoasi hujumchisi Per-Emerik Obameyang Londonning "Arsenal" jamoasi nishonida turibdi.
Le 10 Sport nashrining xabar berishicha, londonliklar jamoasi bosh murabbiyi yozgi transferlar vaqtida ushbu 26 yoshli gabonlik futbolchini Angliyaga olib o‘tishni maqsad qilgan.
"Borussiya" ushbu futbolchisi uchun 80 milliondan 100 milliongacha bo‘lgan mablag‘ni so‘rashi kutilmoqda.
Joriy mavsumda Obameyang bundesligada 25 o‘yin o‘tkazib, 22ta gol urdi va 5ta golli uzatma muallifi bo‘ldi. U shuningdek, Yevropa ligasi doirasidagi o‘yinlarda 12ta o‘yinda maydonga tushib, 10ta gol urgan.
