Italiya futbol federatsiyasi Yevro-2016 turniri yakunidan so‘ng mamlakat milliy terma jamoasi bosh murabbiyligidan ketadigan Antonio Konte o‘rniga olib kelish uchun nomzodlar ro‘yxatini kengaytirdi.

EuropaCalcio.it saytida xabar berilishicha, federatsiya rahbari Karlo Tavekkioning short-listiga «moviy gvardiya»ning sobiq yulduzlaridan biri Roberto Badjo ham kirgan.

49-yoshli bu mutaxassisda murabbiylik tajribasi bo‘lmasada, u ishlash uchun litsenziyaga ega. 2010 yildan 2013 yilgacha Badjo Italiya futbol federatsiyasida bolalar futboli sohasida faoliyat ko‘rsatgandi.

Bundan oldinroq, Italiya terma jamoasi bosh murabbiyligi uchun Jan Pero Gasperini, Eusebio Di Frantsesko va Luidji di Byadjo (u ayni vaqtda Italiya yoshlar terma jamoasi ustozi hisoblanadi) nomzodlari ko‘rib chiqilayotgani haqida xabar berilgandi.