Isroilning shimolida yengil motorli samolyot falokatga uchrashi oqibatida Isroilning brigada generali Munir Amar halok bo‘ldi, deb xabar bermoqda Haaretz nashri.

Nashr ma'lumotlariga ko‘ra, samolyot qoyaga borib urilgan.

General Amar bir oy avval Iordan daryosining G‘arbiy sohili hududidagi fuqarolik ma'muriyati rahbari etib tayinlangandi.

47 yoshli generalning ortidan rafiqasi va 3 farzandi qoldi.