2016 yilning 23 mart kuni O‘zbekiston Respublikasi Tashqi ishlar vazirligida Xitoy Xalq Respublikasining favqulodda va muxtor elchisi Sun Lijie bilan uchrashuv bo‘lib o‘tdi. Bu haqda O‘zbekiston TIV matbuot xizmati xabar qilgan.

Muloqot chog‘ida ikki va ko‘p tomonlama shakllardagi bo‘lajak O‘zbekiston-Xitoy uchrashuvlari nuqtai nazaridan hamkorlikning ayrim masalalari yuzasidan atroflicha fikr almashildi.

Suhbat davomida O‘zbekistonning ShHTga raisligi davrida bo‘lib o‘tadigan tadbirlarga tayyorgarlik jarayoni ham muhokama qilindi.