LG G5 modulli tuzilmaga ega birinchi tijorat smartfoniga aylandi. LG flagman bilan birga mobil foto va video ishqibozlari uchun Cam Plus modulini ham namoyish etdi. Shuningdek, Bang & Olufsen kompaniyasi hamkorligida o‘rnatilgan Hi-Fi Plus ovoz kuchaytirgichi modulini ham taqdim etdi. Anons davomida mazkur modullarning narhi LG G5 kabi e'lon qilinmadi. Biroq birgina Cam Plus B&H do‘konining saytida paydo bo‘ldi, uning qiymati esa 69 dollarni tashkil etadi.

Avvalroq Sam Plus narhi 90 dollardan kam bo‘lmasligi xabar qilingan edi. Bu esa LG muxlislarini xursand qilishi tabiiy. Eslatib o‘tamiz, mazkur modul 1 200 mA/s sig‘imli batareyaga ega bo‘lib, LED indikatori, suratga olish chog‘ida masshtablashtirish uchun g‘ildirak, shuningdek, suratga olish uchun mexanik tugmasi mavjud.

LG Hi-Fi Plus narxi haqida shu paytgacha hech qanday ma'lumot mavjud emas.