HTC 2016 yil 12 aprel kuni o‘z rasmiy htc.com saytida yangi flagman smartfonining taqdimotini o‘tkazishini ma'lum qildi.
Taxminlarga ko‘ra, yangi moslamaning nomi HTC 10 yoki HTC One M10 deb ataladi.
Oxirgi One A9 premium-smartfonini kompaniya 2015 yil noyabr oyida namoyish etgan edi. Bu model M9 flagmanining ingichka versiyasi ko‘rinishida bo‘lgan.
2015 yil avgustda tayvanlik smartfon va planshetlar ishlab chiqaruvchi kompaniya asosiy e'tiborini yangi moslamalar ishlab chiqarish va ularning savdosiga qaratish maqsadida xodimlar sonini qisqartirish va ba'zi modellarning narxini pasaytirishini ma'lum qilgan.
