Madridning “Real” klubi yarimhimoyachi Garet Beyl bilan shartnoma uzaytirmoqchi.

Ma'lum qilinishicha, uelslik futbolchiga amaldagi shartnomani yana ikki mavsumga, ya'ni 2021 yil yozigacha davom ettirish taklif etilmoqchi.

Shuningdek, futbolchining maoshini ham anchaga, ya'ni amaldagi 9 mln yevrodan 20 mln yevrogacha oshirish rejalashtirilmoqda. Bu holda Beyl klub hujumchisi Krishtianu Ronaldu bilan bir xil maosh oladi. “Real”ning bu taklifi Yevropaning yetakchi klublari tomonidan Beylga qiziqish bildirilayotgani bilan bog‘langan.