Germaniyaning Quyi Saksoniya yerida tovuq tomonidan qo‘yilgan dunyodagi eng yirik tuxum aniqlandi. Bu haqda The Local xabar tarqatgan.

Ma'lum bo‘lishicha Ingrid va Gyunter Mayne oilasi xo‘jaligidagi tovuqlardan biri shunday tuxum qo‘ygan.

2 hafta oldin ularning tovuqxonasida 184 gramm og‘irlikdagi tuxum topilgandi. Joriy haftada esa yanada kattaroq tuxum olindi - 209 gramm.

Farmers crack own record with 'world's biggest egg' https://t.co/ykyIwZ5ORX pic.twitter.com/9DGGejhseh

— The Local Germany (@TheLocalGermany) 15 marta 2016 g.

Hudud yaqinidagi Braunshveyge shaharchasida joylashgan tabiiy fanlar muzeyiga ushbu tuxumni eksponat sifatida qo‘yilishi mumkin.

Ginness rekordlar kitobiga dunyodagi eng yirik tuxum sifatida 1956 yilda AQShda aniqlangan 454 gramm og‘irlikdagi tuxum kiritilgan.