23-25 mart kunlari“O‘zekspomarkaz” ko‘rgazmalar majmuasida quyidagi yo‘nalishlar bo‘yicha Uzbekistan Industrial Exhibitions xalqaro sanoat ko‘rgazmalari bo‘lib o‘tadi:

UzSpectechExpo-2016. Maxsus texnika. Butlovchi qismlar.
UzMetalMashExpo-2016. Metallurgiya. Mashinasozlik. Metallni qayta ishlash.
UzMiningExpo-2016. Tog‘ ishi.
UzSecureExpo-2016. Xavfsizlik texnologiyasi.
UzAutomationExpo-2016. Sanoat avtomatlashtirishi.
UzChemPlastExpo-2016. Kimyo sanoati.

Ko‘rgazmalarda 14 ta davlatdan 60 dan ko‘proq kompaniya ishtirok etadi. Ko‘rgazmalarning tashkilotchisi IEG Uzbekistan ko‘rgazma kompaniyasi hisoblanadi.

Ko‘rgazmalarda sanoat avtomat qurilmalari, tog‘-ruda, metallurgiya, kimyo sohalarida alohida komponentlar va majmualarni loyihalash, qurish va foydalanishga kiritish bo‘yicha yetakchi xorijiy korxonalar taqdim qilinadi.

Tashrif buyuruvchilar ham mahalliy, ham xorijiy ishlab chiqaruvchilarning texnologiyalari, uskunalari va maxsus texnikasi bilan tanishishlari mumkin bo‘ladi. Bir qator korxonalar nazorat-o‘lchash asboblari, boshqaruvning avtomatlashtirilgan tizimlari va binolar xavfsizligining kompleks tizimlarini namoyish qilishadi.