Apple kompaniyasi OAVga o‘zining Kupertinodagi kampusida 21 martda bo‘lib o‘tadigan o‘z mahsulotlarining bahorgi taqdimotiga taklifnoma yuborishni boshladi.

Apple taklifnomaga "Let us loop you in" degan yozuvni biriktirib jo‘natdi, bu "Sizni barchasidan voqif qilishga ijozat bering" deb tarjima qilinadi.

Mart oyidagi taqdimotda kompaniya iPhone 5 modellar qatorini davom ettiruvchi, zamonaviy detallar bilan jihozlanadigan 4 dyuymli iPhone 5SE smartfonini namoyish qilishi kutilmoqda. Qurilma xususan iPhone 6s protsessori va 8 Mp li yaxshilangan kamera bilan jihozlanadi. Shuningdek, taqdimotda 9,7 dyuymli yangilangan iPad plansheti, MacBook Pro va MacBook Air noutbuklar qatoridagi yangi modellar namoyish qilinishi kutilmoqda.