Ukraina Turkiyadan 5ta mobil harbiy gospital oladi. Bu haqda Ukraina prezidenti Petro Poroshenkoning matbuot xizmati ma'lum qildi.
Xabarda ta'kidlanishicha, ularni Ukrainaga mamlakat harbiy-dengiz kuchlarining flagman kemasi "Getman Sagaydachniy" fregati yetkazadi. Bu fregat hozirda Turkiya bilan birgalikda Marmar dengizida harbiy mashg‘ulotlarda ishtirok etmoqda.
"Bungacha biz AQSh, Kanada, Avstraliyadan mobil gospitallar olgan edik. Bugunda bu juda muhim va munosabatlarimizning strategik xarakterini ta'kidlaydi", deb aytdi Poroshenko hamda Turkiyadan Ukrainaga gospitallarning berilishi "ikki davlat o‘rtasida sheriklik munosabatlarining isboti" ekanini ta'kidlab o‘tdi.
