2015 yilda AQShning Nyu-York shahriga 58,3 mln nafarga yaqin sayyoh tashrif buyurdi. Bu haqda NYC & Company turistik-marketing agentligi shahar direktori Fred Diksonning The New York Times gazetasiga bergan intervyusida aytib o‘tilgan.

Uning so‘zlariga ko‘ra, shahar ma'muriyati bu yil ham sayyohlar soni oshishini, ular miqdori 2,4 foizga ko‘payib, 59,7 mln nafarni tashkil etishini kutishmoqda. Gap shaharga AQShning boshqa hududlaridan keladigan sayyohlar haqda ham bormoqda.

Tahlillarga ko‘ra, 2016 yilda eng ko‘p turistlar oqimi Xitoydan kelishi kutilmoqda. Mutaxassislarning fikriga ko‘ra, shaharga o‘tgan yilnikiga qaraganda 8,2 foiz ko‘p, ya'ni 920 ming xitoylik tashrif buyurishi kutilmoqda. 2018 yilga kelib esa ular soni million nafarga yetishi kutilmoqda. Xitoydan tashqari megapolisda Angliya, Kanada va Braziliyadan ham ko‘plab sayyoh lar tashrif buyuradi.