Bollivud superyulduzi Shohrux Xon o‘zining yangi “Muxlis” (Fan) nomli filmining treylerini namoyish etdi.  Yulduz taqdimotda o‘z muxlislarining savollariga javob berdi va ular bilan samimiy muloqotda bo‘ldi. Lekin uchrashuvdagi eng katta yangilik – shov-shuvlarga sabab bo‘lgan “Muxlis” (Fan) filmi edi.

Film dexlilik yosh bola Gaurav (Gaurav) haqida bo‘lib, kartinada uning o‘z orzusiga erishish ya'ni eng sevimli aktyorining tug‘ilgan kuni bilan tabriklash uchun Mumbay shahriga borishi yo‘lidagi sayyohati ko‘rsatilgan. Gaurav Aryan Xanna (Aryan Khanna) ismli aktyorning eng ashaddiy muxlisi bo‘lib, hattoki uning tashqi ko‘rinishi yulduzga juda ham o‘xshash bo‘ladi.

Gaurav dunyodagi eng mashhur yulduz bilan uchrashish uchun ularga murojaat qiladi. Uning juda ham o‘xshash qiyofasi Aryanni uchratish uchun yordam berar deb o‘ylarsiz?

Afsuski, hayotda doim ham biz o‘ylagan ishlar bo‘lavermaydi. Voqealar Gauravning rejasi bo‘yicha davom etmaganligi sababli, uning orzusiga bo‘lgan muhabbati xavfli nafratga aylanadi.

“Muxlis” filmining rejissyori Manish Sharma (Maneesh Sharma) va prodyuseri Aditya Chopra (Aditya Chopra) bo‘lib, uning jahon kinoteatrlaridagi namoyishi shu yilning 14 apreliga mo‘ljallangan.

Zamonaviy texnologiyalar, maxsus effektlar va grim tufayli Gauravga aylangan Shohrux Xon muxlislarini hayratda qoldirishi shubhasiz.