2016 yilning 18—27 fevral kunlari Olmaota shahrida O‘zbekiston-Qozog‘iston Qo‘shma demarkatsiya komissiyasida ishchi guruhlar uchrashuvi hamda O‘zbekiston Respublikasi va Qozog‘iston Respublikasi Hukumat delegatsiyalarining yig‘ilishi bo‘lib o‘tdi. Bu haqda O‘zbekiston Respublikasi Tashqi ishlar vazirligi xabar berdi.
Tadbirlar O‘zbekiston-Qozog‘iston Davlat chegarasi demarkatsiyasiga oid yakuniy hujjatlarni tayyorlash maqsadida tashkil etilgan edi.
Muzokaralar do‘stona qo‘shnichilik ruhida va bir-birining manfaatlarini inobatga olgan holda bo‘lib o‘tdi.
